Thuis
Contacten

    Hoofdpagina


Kontaktadres: Mia Reyskens

Dovnload 67.8 Kb.

Kontaktadres: Mia Reyskens



Datum21.09.2017
Grootte67.8 Kb.

Dovnload 67.8 Kb.

Veldeke Gènk

Kontaktadres: Mia Reyskens

Havenstraat 4

3600 Genk

e-mail: m.reyskens@scarlet.be
Rèèkeningnómmer: 068-2339979-75
www.heidebloemke.be/veldeke
www.verenigingeningenk.be/veldeke_genk
Lidgeld vier 2007: 5,00 euro

Program 2007: bijeenkómste èn den Ichter èn de Hannesstrót

èn Langere, èlkes kier óm 19 oere 30.
goensdig 31 jannewoarie: Jos Aerts

Ieëver vrigger en nou


goensdig 28 miert: Frieda Parthoens-Freson

Spieële mèt klei


goensdig 30 mee: Marie-Louise Geurts-Donckers

Belèèvenisse op vekansie

goensdig 26 september:

goensdig 28 noovember:

Versjijnt 6 kier per joor

4de joorgangk, nimmeroo 4

julie-oggustes 2007

Veerwoerd


Heie, oppe langsten doag van ’t joor zit ich te prakkezeere wat ich óch kan vertèlle. Ge wèt onnerhand al woal dat ich hiel aerg geïntreseerd bèn ieëver al wat Gènk en z’n toal oangeet.
Èn verband doomèt wil ich toch e wèèrdsje zègge wei vernoam dat Veldeke Gènk op korten tijd gewoeren ès èn het Gènker gebiere! Ierder al zagte ve dat ve moete perbeere oos Gènker zoe veel en zoe korrekt mieëgelek te kalle. Ten twiede dat ve gerèst griets mooge zijn ieëver Gènk, van dèrp tot stad.
Ooch vènne ve dat oos vereeniging ’n sosioale rol te vervèllen hit: lót oos ‘nen hechte vrindekring vèrme, en lót oos dat ziehn oan de hiel Gènker gemeensjap. ‘Ne goeie mèrge, ‘ne goeie middeg, ‘ne goeien oovend oppe strót och oppe maert, ’t ès zoe gemekkelek gezagd en het kan vier de minse zoeveel beteekene!
Ge wèt toch dat vèè, Gènkenaere, als bijnoam hèbbe “de hèllige”, ooch al zijn doo kooi tónge dei bewiere dat het sjijnhèllige moet zijn! Me vèè vènne toch dat zoe e bitsje hèllig geene kód kan.
Goed nouts krieëgte ve van de stad Gènk: bènne korten tijd geet er ‘ne webstek koeëmen ieëver Gènk en z’n dialekt. Doo zal al op koeëme wat verband hilt mèt oos toal en Veldeke Gènk zal dat van hiel kortbij ènne goate moogen haage en oan mètwèrke. Doo zilder op gepasten tijd nog mier van hiere.
Tot slot wille ve Mathieu Meuwissen nog ins ekstra bedanke vier de prachtige verhoalkes dei er oos èlkes kier ènsjikt.

Ooch èlkeen van óch moag gerèst e stèkske ènsjikke, wei mier, wei liever!

Tot de nooste kier èn den Ichter op goensdig 26 september.

Pierre Claesen, vierzitter Veldeke Gènk

(Pierre van Zjef van Doorkes Betsje)


Veldeke Gènk - Bestier

Vierzitter: Pierre Claesen

Onnervierzitter + PR: Roger Bijnens

Sikretoaris: Theo Achten

Leeden-administroasie: Mia Reyskens

Kassier: Kamiel Bollen

Dialekt + arsjief: Renaat Huygen

Bestiersleede: Felix Bergers

Ivo Coninx

Richard De Becker

Guido Geurts



Theo Achten: theo.achten@tele2allin.be

Felix Bergers: felixbergers@hotmail.com

Pierre Claesen: ClaesenP@yucom.be

Ivo Coninx: coninx.ivo@scarlet.be

Richard De Becker: rdebecker@raad.limburg.be

Renaat Huygen: renaathuygen@hotmail.com

Mia Reyskens: m.reyskens@scarlet.be




Ooze Winkel

Lidgeld-abonnement Veldeke Gènk 2007 5,00


Genker Bloemlezing, Veldeke Gènk 10,00
Ambiorix, multi-dialectstrip 5,00
De Rollezenger 15,00




12 oggustes


Clara van Assisi

(1095-1253)

De H. Clara ès ’n dochter out een hiel rijke femielie van Assisi ènne strieëk van Perugia en Bastia (It).

Clara, het knapste wècht van hiel de stad, zoehg as kènd wei de lèèveslèstige Francesco di Bernardo, ooch ‘nen hiele rijke koopmanszoeën ze lèève oarig bèèterde en dat van de stad terbij.
Dèè Francesco ès niemes aaners as den H. Franciscus van Assisi, de stichter van de orde van de Minderbroeders-Franciskanen. Hin zèrg gold vieral de stadsbewoeners, met hiel veel aerm minse. De Benedictijnen werkde vieral vier het landelek volk (boere).
De femielie van Clara en den oadel perbeerde hier wei doen de gewènde woas hier oan ’n goei partei te bènne. Me, dat lèkde nie. Ze poek het beslout im de gedachtegangk van Franciscus te volge, zoe te lèève en dat weier te vertèlle. Noo ‘nen tijd woert ze soame mèt ’n deel aaner ” God-dienende-vroolie “ opgenoeëmen èn dei orde van Franciscus.
Gebèè, boete en aermoei…, vieral dat lèste woert de vernoamste lèèfreegel van hier volgelinge.

Noo e godvrèchtig lèève storf ze èn 1253


Asder nou efkes weier dènkt, dan wètder bedeene dat de H. Clara de stichteres ès van de Clarissen, dei eegelek volgelinge zijn van den H. Franciscus van Assisi. Ze droagen nou nog met de goedkeering van de poos hetzelfde habijt as vrigger. Ge wèt woal, dij broun pij mèt dei witte koord rond hinne bouk en dei monnikskap.
Het kloester van de Clarissen èn Gènk ès opgericht èn 1929.

Gènker Oovend

30 mee 2007

mèt

Marie-Louise Geurts-Donckers


Op dieëzen oovend haaë ve èn feete Benny Vangeneugden genied im te koeëme kallen ieëver “Keetje Tippel”.

Het loep aaners! Oos bikske woas vèèrig en al gedrèkt. Doen koem het tillefoontsje dat Benny mos geöppereerd wèère en minstes viertien doag plat blijve. Den eenen tillefoon noo den aanere woerd gebeld. Ve haaë Marlewies al woal ins gevroogd en zij haa tougezagd vier op het einde van ’t joor och èn het begin van volged joor. Toch maer ins gehinkeld en nie te geleeve: “Mijnen tekst ès al lang vèèrig”, vertèlde ze oos. En het woas gee perbleem om op dèèn 30ste mee noo den Ichter te koeëme. Dat woas goddank opgelost, en nou nog rap e pepierke moake vier èn het bikske te stèèke zoedat de minse nie vier al te groete verrassinge stonte.

Doer al dat geheks en gejoag tikte ve nog ’n foot: 31 mee ènne ploats van 30 mee. Me zoe te ziehn haa alleman dat toch woal begrieëpe, want den Ichter loep wier plenaeretig vol.

En doo zoet Marlewies èn volle gloerie te wachte totdat ze moch beginne.


Reedelek goed op tijd kos Pierre mèt z’n ènleeïng beginne. Pierre kan het nie genóg gezagd krijge wei veel datter van Gènk hilt, en wei sjoen dat Gènk ès, en wei gèèn datter de Gènker toal kalt en hiert kalle.

En hèè woas wier gelèkkig datter zoe veel volk op oaf gekoeëme woas.


Roger haa al wat kepij goeën lichte ten houze van Geurts-Donckers en Renaat moch dat koeëme vertèlle:
Donckers Marie-Louise ès geboeren èn Sint-Treie. Hier voader, Donckers Jules, oafkèmstig van Herselt bij Aarschot, woas doo zjendaerm. Hier moeder woas Maenen Bertha, ooch geniemd Berta van strót-Bet. Zij woas geboertig vannen Aaë Woatersjee, oan de sjans.

Marlewies hit hier jeugd doergebrocht oppe zeid-sitee van Zwartbaerg, boe hier voader doen sjef-gard woas oppe pèt.

Ze ès bekans 50 joor getród mèt Jef Geurts och Zjef van Remie van Coale-Zjengske, het zaatmenneke van het Hikke.

Nou woene ze ènne Sjieperswèèg èn Geliere.”
Dan installeerde Marlewies zich achter de tóffel mèt ‘nen hoop papperasse. Ze wol èn twie stèkke kalle, want aaners doerden het te lang, dacht ze.

Zoe gebierden het. Me dat het te lang doerde woas zieëker nie het geval. Want wei zij kan vertèlle hit het oos gee mement verveeld en alleman vont noo onnerhalf oer dat het veel te rap gedoeën woas.

Wat ze allemool mètgemoakt hèbbe op hin reeze grenst oan het ongeleefleke. En toch woas het allemool ech gebierd. Dat hit ze oos herhoaldelek terbij gezagd en Zjef knikde maer dat het allemool woer woas.

Al noo vertèlle geet nie. Ve hèbbe woel hiel hieren tekst opgepakt op band, das gee perbleem. Me éé verhoalke wille ve toch op pepier zètte.


Een van oos ierste reeze noo het bouteland gónk noo Banolas èn Spanje, 150 km ieëver de Spoanse grens. Doo woas, noovenant dat ze oos zagde, veel zon, kielesjoai en woater. Zjus wat ve zochte, spisioal ooch vier de kènner, dei doen nog kleen woere.

E vroomes out de geboere zag mich van maer van al mèt te pakke, want gins ès nie veel te krijge. Dus woert de karrevan volgestómpt mèt èèrappel, konsaerve, bloem en nog van al. ’t Woas zjus de vlècht noo Egypte.

Zjef zèrgde vier den ottoo, want zoe ’n rees ès toch nie niks: de fraes woerte gereegeld, zjwae de kelas vervange en de sepappe gereegeld, de raddiatöör gespield mèt soda, groete poets van bènnen en van boute. Den ottoo woas e jeweeltsje!

Vol goeie moed vertrokke ve op rees. Het gónk vlot tot Boire. Zjef goehf gaas vier de baerg op te geroake. De karrevan begos te slingere - verkierd geloaie - en het woaterpeil gónk tieëgen het roed oan. Toch den hiele nacht doergerieë, want de kènner sloepen en woere braaf. Me bij de kloorte wei waermer dat het woert, wei waermer dat ooch de metöör woert. Zjef haa den termostaat ter outgehoald, me het woater begos te koeëke. Dan maer gestopt oan ’n nafpómp. Dei dieëgen ter e spisioal pètsjen èn vier de radiatöör. Dan
De Hèllige van Theo
1 julie
Rombout van Mechelen

(?-775)
Rombout, Rumoldus, Rumbold van Mechelen ès wier ‘nen echde Vloamsen hèllige.

Rombout: Germaans: hrom =roem en bold = stoutmoedig.

Z’n doehn èn lótten ès loater besjrieëven en twie “vitas”. Me wei dat al mier gebierde, de verhoalen zijn altelichelek oangedikt. Hèè ès oafkomstig van Schotland, Ierland och Èngeland, ‘nen echde Kelt, hoost zieëker mèt rosse hoor. As zoeën van de kieëning woerter

Aartsbissjop van Dublin. Zèg watder wilt, dat soort polletiek hèbbe ze nou hei heie nog nie oafgelierd. Me, hèè hoel dat lèèven al gouw vier bekieëke: ” ’t Ès mich genóg gewèèst van datte.”


Hèè loet al èn perdel en vertrok, iers as klouzenaer (kwestie van him nie te rap te konnen trèg vènne), loater as misjenoaris en hèè blieëf hange èn de strieëk rond de Rupel, Schelde en de Dijle, boe hèè ooch ’n abdij stichde.

Hèè woert op 24 junie 775 mèt ’n piejos doedgehód. Ze lijk woert èn ‘ne revier gegoeid .

Dat lijk goehf e wonnerlek staerk licht, zoe vonte sjippers him.
Ve kènne de formedoabel sjieke kattedroal èn Brabantse hoehggotiek en de Romboutstoeren èn Mechele. Het klokkespieël, ( beiaard) en de beierdsjool ès wèèreldberoemd.
Mechelaers, “maneblussers”. Iemes zoehg oets de moon sjijne doer de koeëter èn de klokkentoere (galmgaten). Hèè kèèkde de hiel stad wakker im het vier te blèsse….
De Belze kèrkprevinsie mèt zèètel èn Mechele nieme ze dan im alleman kontent te stèlle: Aartsbisdom Mechelen-Brussel.

Gènker
Pierre Claesen, vierzitter van Veldeke Gènk, kan er nie genóg op hoamere dat ge oer Gènker toal altoes en ieëveral moet kalle. Me op ’n ordenteleke menier!

Èn verband doomèt vonte ve ‘nen tekst van Jan Goossens èn “Heidebloemke”, joorgangk 36, nimmeroo 2, bladzijde 41.

Het geet ieëver het volgende: wat moete ve zègge, Gènker, Gènks och Gènkers?

Ve gèèven óch hei den tekst dei Jan gegèèven hit op ‘nen dialektoovend van 23.12.1974.

Doo bestoeën twie achtervoegsels vier toale oan te duide. Dat kan ’n s zijn op het einde zoe as Èngels, Frans, Ammeriekoans, Spoans en zoe weier; me doo lengs konste zègge Mestrichter, Gènker, …

As ve nou de dialekte bekiehke èn Vloandere en èn Holland, wei verdeelt zich dat?

Ve ziehn dat oan de westkant, èn ’t algemeen, de noame van toale mèt ’n s gevèrmd wèère. Oan den oostkant, dat wilt dus zègge Limburg, Hollands Limburg, het ooste van Noerd-Brabant en Drente, Overijse en zoe weier, doo vèrme ze dei weerd ènne reegel mèt er.

Vrigger joere bestond dèèn outgangk er veel weier noo het weste, me ès stillekes oan verdrónge vier de s.

Kortwèèg zooë ve konne zègge: links s en rechs er, me den outgangk er ès kloor en deidelek oan ’t verwoatere ómdat ve dèèn outgangk èn het Nederlands nie gebreike en dat ve doodoer geneigd zijn vier de s goeën te gebreiken.

Nou ès de richtige outsprók èn ’t sjoen Vloams: Gènks. Doodoer ontsteet er ’n kontaminoasie (dat woerd kimt van Jan!) tèsse oos Gènker en het Vloamse Gènks en hiere ve allewijl dèk zègge: Gènkers.

Het ès nou woal zoe dat het Gènker èn Limburg ’n toameleke spisioal toal ès, ómdat dat èn ze gehiel zich oafgrenst tieëgen alles wat ter rond zit.
Zoe wijd den outlèg van Jan Goossens.

Wat moete ve hei van onthaage? Dat de aadste vèrm zieëker Gènker ès, en dat ve dat dan ooch maer liever gebreike dan Gènkers.



Want het ès al lèstig genóg vier oos toal te behaage wei het hiert en doobij doehn ve ooze vierzitter dan doo ooch e groet plezier mèt.
weier gevoare, me het lidsje begos vanhaer. Èn Villefranche voerte ve vanne ottoostraat oaf en zatten oos op het dèrpsplein doal.

Zjef zag tieëge mich: “Ich dènk dat de belóngs van de kelasse gelost zijn, ich gón dei wat bijtrèkke.” Het woas zótterdig vier de noen,ketier vier twelf. Zjef begos de bellóngs bij te trèkke en klets kepot. Oppen hók likt per gelèk ’n geraasj, me dei sloeët im twèlf oere. Per gelèk koste ve doo ‘ne belóng koope vier ééne franse frang. Zjef pakde ter dierek twie mèt, de kons nie wieëte! Hèè begos te dimmonteere, kepotte belóng ter out, alles trèg op z’n ploats. Ich mos helpe vashaage. Oos haan en aerm woere zwart tot oane èllebooge. Alle woater wat ve bij haaë woert gebreikt vier oos e bitsje proeëper te krijge. Wei ’n aerm sjóp gónk ich oane minse dan wat vors woater vrooge. Me den ottoo woas tenminste vèèrig. Noo het èète gónk ich wat waanele mèt de kènner , dan kos Zjef wat slóppe. Me slóppe dat lèkden him nie. Wei zoo den ottoo het haage? ’n Half oer loater voerte ve dan maer weier. Me nie vier lang, wier koeëke - stoppe lengs de groete boan - belóngs nog wat oandraeë, want doo zal het woal oan ligge - en klets wier eene gebroeëke. Ve stonten allemool te grinse

van ellende. Touring Wegenhulp koem touvallig lengs, me dèè z’nen dienst zoet ter op. Hèè wol oos woal noo ’n kamping sleepe en oos dan moondig koeëme dippeneere. Me vèè wolle noo Spanje en nie èrget op ’n kamping. Dus maer wier al dimmonteere, monteere, woater goeën sjoeie en dan stillekes weier voare. ’t Woas onnertèsse al vijf oer èn de noonoen. Wèè zoo oos nou nog konne helpe? Me as de noed het hoehgst ès, ès de redding noobij! E bitsje weier zoehge ve ’n geraasj “Mecanique-Electricité-Spécialité”. ‘t Loehg wat vanne wèèg oaf, me doo woas nog beweeging. Dèè man wol oos helpe, me ve moste wat gedild hèbbe. En dat haaë ve! Ve haaë toch al zoe lang gesiggeld. De karrevan woert oafgehikt, onner ‘ne boom gezatte en moeder de vroo koehkde onnertèsse wat lekkers vèèrig, wasde de kènner en rond 8 oere begos dèè braave man oan oozen ottoo. Hèè koppelde de raddiatöör oan e soert wasmesjien, dieëg er wat poeier èn, stoek de filter doo èn en zat de boel oane gang, woal ’n half oer oan e stèk. Doen hoalde ter de filter ter out, dèè zoet vol smierlapperij. Hèè spielde dèè filter nog ins goed zeiver, alles trèg op z’n ploats en ve koste vertrèkke. Vertrèkke?, ich woas alles behalve gerèst èn de zoak en woal trèg noo hous. Me 500 km trèg noo het noorde, dan koste ve èève goed 500 km noo het zeide. Ich loet mich ieëverkalle en de rees gónk weier. Noets van me lèève hèb ich mier noo de meeter van het woater gekieëken as doen. Eindelek koste ve wat slóppe.

’s Aanerendoags oppe noen zoehge ve ’n sjoen dreef, fijn óm wat te èète. Zjef draede oaf en doo begos opins iet te piehpe. Wat nou wier?, en ja ’n fraeleeing kepot! Me dat woas gee perbleem vier mijne klusjesman. De leeing woert tou geklopt en vórt woere ve richtin La Fronteira.

Oppe radio hierde ve datter 35 km fiel stont vier de grens, doo woas doen nog geen ottoostraat en veel kontrol oane grens. Onnerwijl dat ve doo ènne fiel stonte te wachte vroehg Zjef oan ‘ne fransman ofwant doo geenen aanere wèèg bestond. “Jewoal”, zag dèèn tiep, “lèngs de Col d’ Art geet het ooch”. Boe op Zjef, toch nie hel op ze gemoak, vroehg of het ‘nen hoehge baerg woas. “Ma nèè”, zag de fransman, “’t ès maer ’n hieëvelke, en noo ’n poar draekes zijtder boeëve!”

Vol goeie moed begoste ve oan de lèste 150 km. Ve zoehge geenen eenen ottoo, alleen maer ‘n 2pk-ke dat ze oan het stoete woere. Halverwèège de baerg begos oozen ottoo wier te koeëke. Al het woater dat ve bij haaë woert èn de raddiatöör gegoeëte, me veel weier koeme ve nie.Doobij koem nog dat de wèèg veel te smoal woas im te draeë, zoedat ve ooch nie trèg noo onner koste. Ve woere ontrent oan het èn van oos letijn! Opins hierde ve ’n koubel, ‘ne boer mèt drei kei. Oan dèè mins wat woater gevroogd - dèè vertèlde oos dat 5 km liehger woater out de baerg vloeët. Al boe dat woater kos èn gedoeën wèère woert gevèld..De boer haa oos vertèld dat het nie wijd nemie woas tot boeëve, me hiel oos woater woas al wier opgebreikt doen ve gelèkkig e plèètsje nèève de wèèg zoehge:”Fin du Col 200m”. Nou al och niks, dach Zjef, en douwde op z’ne start en boeëve woere ve.De minse bekieëken oos ofwant doo e wonner gebierd woas, want de meeste ottoos dei doo stonte loeëgen doo mèt stèkke.

Nou zille ve woal rap oppe ploats zijn, dachte ve. Me vier oos rieëd e kleen ottooke, 30 km èn ’t oer, hiel vierzichtig en ènne pikkedónkel, lengs de wèèg ’n gerdijn van bamboe en streik.Kleen brègskes, dei kroakde dat ’t verrèkde, moste ve ieëver voare. Vierbij stèèke woas nie mieëgelek.God wis boe dat ve zoete. Het ee dèrpke volgde noo het aaner, me de noam boe dat ve moste zijn woas er niebij. Gelèkkig sloepe de kènner.

En dan eindelek het verlossende plèètsje “Banjolas”. Nou moste ve de kamping nog vènne. Ins gevonne mochte ve doo noo 10 oere nemie bènne.Dan maer boute ènne karrevan blijve slóppe.

s Mèrges woerte ve wakker doer ‘nen hèlse rèègen dei oppe karrevan nèèrpletsde. ’t Woas vier te janke, zoe wijd gevoare vier ènne rèègen te zitte. Me noo èntige oere sjieën de zon en woerte ve vrindelek onthoald.

poenjaar zoe e stèk freet èn vier en dan verdeelde ter dan onner de jing.

Op ‘ne kier woas Kieneke doed, de wee blieëf tou en onnerkoem noo èntige joere.

Nou leept doo de Dieplaan ieëver, zoe lang ès dat al gelieë.
(Tieu van Groar van Miehfke)

De volgende Gènker oovend geet pas doer op



goensdig 26 september

19u30


èn den Ichter




Twie mans, al op hennige lèèftijd, zitte te ichtere en hinne kal geet ieëver aaër wèère en ieëver hin vroolie.

Zjang: het perbleem mèt dei vroolie ès dat ze nie wille tougèève dat ze aaër wèère. Ze gebreike allerlee toere óm dat te verstèèke.

Zjef: wètste waste mos doehn vier te wieëte ofwant den vroo nie goed nemie hiert? Woal, de moes op 10 meeter van hier goeën oafstoeën en iet vrooge. Antwoerd ze nie geeste op 5 meeter stoeën en as dat nog nie helpt op eene meeter.

Zjang vènt dat e geweldig gedacht en ins tinnes vriehgt er oan z’n vroo, dei èn den hoehf de was oan ’t ophangen ès: “Sjatteke, wat èète ve dieëze noen?”

Geen antwoerd!

Zjang kimt korterbij en vriehgt hetzelfste opnouw.

Geen antwoerd!

Zjang geet nèève z’n vroo stoeën en vriehgt hiel hel: “Sjatteke, wat èète ve dieëze noen?”

Merie draet zich im en mèt e kód gezicht zit ze:”Vier den daerde kier zèg ich dich al, hin mèt fritte, de hiers woal nie goed?”




Middel ènne wee haa Kieneke ‘ne zèètel stoeën mèt ’n oafdèèkske boeëve. Doo gónk er dan zitte vier wat out te rèste. Èlken doag wèrkde ter èntige oere èn z’n wee. Tèssedoer maede ter wat groas onner de beem vórt. Dan zat er wier de lèdder, dei onner her oafdoak loehg tieëgen ‘ne boom en dan kroeëp er doo tieëgen op, me nie weier as de onnerste tek. De riskoasie woas te groet op zoe ‘nen aaërdóm.

Ge kont óch woal èndènke dat alle jing van èn den imtrèk, dei van Ritzen, Houben, Geurts, Decosemaeker, Lenaerts, ich zelf en nog aaner, zoewoal jóngen as mètskes, dèk loehgen te lónke noo al dat oafgevalle freet, en nog mier noo wat oppe beem hóng.

Noo sjooltijd zoete ve doo gemeenlek ènne geboere te spieële. Ve haaë al dèk ligge te spikkeleere vier toch ins èn dei wee te geroake. En op ‘ne kier koem Nes Houben op ’t gedach van ieëver dei pinne van de poert ‘nen aaën ottooband te hange. Tinnes achter èn den hoehf loehg nog zoe eene, dat woas ‘ne verslieëte band van Jaak Ritzen z’ne kammejoa. Dan zooë ve doo woal konnen ieëver kroupe zonner oos te blètseere.

Zoe gezagd, zoe gedoeën: pietsje stoeën totdat Nes oan de band kos, ieëver de poert en zich dan lótte valle. Ins ènne wee, de lèdder op, de sjoenste appele outgekoeëze en hèè goehf ze dan doer oan oos doer de poert heen.

Bedeene krieëg Jean Geurts Kiene ènne goate, dèè op ze gemoak koem oangejoagd mèt z’ne villoo. Roef de band vanne poert en alleman de kloeten op! Me Godteniere, niemes van oos haa nog oan Nes gedacht. Hèè woas woal zoe slim van de lèdder plat te lèggen en achter het oafdoak goeën te stoeën, ènne hoop dat Kieneke him nie zoo ziehn. Goeie ród woas dier. Nes hoel z’nen ooiem èn en loerde noo de poert im te kiehke ofwant Kieneke de poert achter zich zoo slouten och nie. Vèè woerte nou woal gewoar dat Nes ènne penoarie zoet en gónke trèg tot tieëge de hèg en ve zoehgen him doo op z’n houke zitte, vèèrig im vórt te ritsen as de kans doo woas.

Kieneke mos noo dat villoo joage effekes op ooiem koeëmen en doo kos Nes gebreik van moake. Hèè gadsde zoe hel as er kos noo de poert, rófden oane sjaa, trok de hèlligt vanne poert oeëpe en woas wei ‘ne wènd de gèèrd oaf.

Ins allemool trèg tegoar gónke ve mèt ‘ne groete boog lengs de poert doer im wat weierop te goeën spieële. Eegelek haaë ve dat allemool nie moeten doehn, want Kieneke woas èèl zoe kontroarie nie.

Oaf en tou kriehgde ve zelfs e stèk freet van him, noets nie ’n oaleke pèèr och ‘nen oaleken appel. Hèè snieëd dan mèt z’ne



’t Woas er fijn vier de kènner en vier oos woeren ter veel kènnisse out onner aanere St-Treie, Erps-Kwerps en Boortmeerbeek. Terwijl de kènner zich ammezeerde gónken de groeten ichtere bij deendaaner.

En dei konserve, ballekes èn temattesoos, ravioli, stoofvlees op groetmoeierswijze en dèèn hiele ratteplan hèbbe ve woal 3 och 4 joor mètgesleept. Te lange lèste hèbbe ve den hiele nèst maer opgevoeierd oane hinne.

Ondanks al dèèn tieëgesloag woas het ’n hiel sjoen vekansie en zijn ve hiel veel joere trèg gewèèst.
Wèème daert nou nog zègge, noo zoe e verhoal, dat kampeere nie zoalig ès?

Noo hier wonnerleke verhoale ieëver hier belèèvenisse op vekansie vertèlde Marlewies nog èntige malse farse, op zoe ’n menier wei alleen zij dat kan.


Marlewies, hartelek bedankt vier dieëze gezelligen oovend, en tot ‘ne nooste kier!


Veldeke Gènk oppe GRK


107,4

Theo A. ès nog altijd te beleistere èn het pergram "De Belleman".

Dat wierd ‘s vrijdes outgezonde tèsse 12 en 14 oere.

De outzendinge van Theo ieëver de Gènker toal goeën doer op de lèste vrijdig vanne moond.

De doatims zijn:
28 september 26 oktober

30 noovember 28 deesember



Den Ichter
Wèè nog gee Gènker kalt och hiert,

dèè kimt, ‘ne bepoalde goensdig, noo den Ichter!

Gèè kènt gee Gènker???, ’t kan óch oangelierd,

zoewoal oan Groete as oan Wichter!


Zij, dei hin strieëktoal èn ’t harte droage,

koeëmen doo, dank zij Veldeke, reegelmótig bijeen.

En zoe ‘nen ooved kan nie aaners as sloage,

want mèt al dei echde Gènkenaere zit g’r noets alleen!


‘Ne sprèèker kimt ieëver vrigger kalle,

wat hèè (och zij) doen hèmme mètgemoakt,

op sjool, och tous, och onner aanere ieëver voetballe.

Èlk onnerwaerp wiert fèl gesmoakt!


Èn den Ichter wierd hielwat oafgelache,

hoost èn èlke Gènkenaer stikt ‘nen humorist!

Den Deits zoo zègge: “Leute Freude mache”,

En das ’n goei rieë vier wèè dat nog nie wist!


Bij ’n steevige pint och ’n zjat koffie,

ès èlke Veldeke-ooved e sikses.

En zijt ge’r óm half ach nog nie,

Zijt maer zieëker datter geen ploats mie ès!


Oos Veldeke-manne zèrgen tervier

dat oos Gènker toal blijft doere,

ooch al ès dat gee klee bier,

want vèè zijn toch allemool as Gènkenaere geboere!


(E prachtig gedichtsje èngesjikt doer oos gekande Gènker dichteres Nelly Crèvecoeur-Olyff)


Proofiesiat Nelly!
De Freetwee

van

Kieneke
(E verhoal èngesjikt doer Mathieu Meuwissen)
Kienekes Lewie hoet eegelek Ludovicus Keunen en woenden èn de Groetestrót. Ich woende doo ooch en doomèt kaan ich him doanig goed. Ielken doag rieëd er mèt z’ne villoo noo z’n freetwee. Dei loehg maer ’n goei 150 meeter van ze gelèèg oaf en toch die hèè dat stèkske wèèg noets nie te voet.

Kieneke woas doen al hennig èn de nieëgetig en ich woas nog maer ‘ne koojóng. Me toch zien ich him doo nog altoes joage met z’ne villoo, een hand oane giedoa en mèt d’aaner hand hoel er ’n zeese och ’n sjèp vas ieëver den assel. ‘Ne mins krieëg ter sjouw van as ter het zoehg! Op zoe ‘nen aaërdóm, en dan zoe toeren outhoale!

Dei freetwee loehg lengs de servetuut dei tieëgenieëver het maggezijn van Zjef van de Boerebond loehg en zoe noo de Dèrpsbieëk tou loep, oppe hiehgde van de wijers van de Kompel. Dei wee loehg doo zoe ontrent halverwèège van.

Nou nie vier dit och dat, Kieneke z’n wee woas e vierbeeld van ’n froai onnerhaage freetwee. Ze woas hennig groet, imtrènt zoe ’n dertig aare mèt rontelim en hoehg en dik tougewasse dieënehèg. Doo kos nog geene knijn doer, zwijg stil dat vèè as koojing oan dat freet koste geroake.



En dat woas freet: kierze-, appele- en pèèrebeem en dan nog èn allerlee soerte. Ze blónke vanne weelmoed!

Dat stoek oos, as jing, doanig de oogen out. Nou woas doo woal ’n ènvoart oan mèt ’n ijzere poert mèt troalies dei van boeëve gepind woere en boeëve de hèg outstoeke. Dei poert woas gesloeëte mèt ’n sjaa en e paddesloeët.

  • Veerwoerd
  • Ooze Winkel
  • Veldeke Gènk oppe GRK

  • Dovnload 67.8 Kb.